Skipulags- og byggingarráð leggur til að skipaðir verði 3 úr skipulags- og byggingarráði í starfshópinn. Ráðið fagnar því að málefni miðbæjarins sé tekið til skoðunar og telur ríka þörf á að miðbærinn verði skoðaður heilstætt með áherslu á atvinnu, uppbyggingarmöguleika, og heildarsýn. Lagt er til að starfshópurinn heiti: Starfshópur um miðbæinn, framtíðarsýn hans og möguleika. Fulltrúar ráðsins verða Pétur Óskarsson, Borghildur Sturludóttir og Júlíus Andri Þórðarson.