Lögð fram samþykkt bæjarstjórnar frá 18. júní sl.: "Bæjarstjórn Hafnarfjarðar samþykkir að farið verði í atvinnuþróunarverkefni sem miði að því að efla atvinnulíf í bænum. Farið verði í markvissa kynningu á þeim möguleikum sem Hafnarfjörður hefur upp á að bjóða jafnt fyrir starfandi fyrirtæki sem og þeim sem hyggja á nýja atvinnustarfsemi. Einnig verði gerðar tillögur að því hvernig styrkja megi samskipti bæjaryfirvalda við fyrirtæki og atvinnulíf. Bæjarráði verði falin frekar útfærsla verkefnisins."