Bæjarstjóri Guðrún Ágústa Guðmundsdóttir tók til máls og gerði grein fyrir ofangreindum tillögum.
Gert var stutt fundarhlé.
Að loknu fundarhlé tók Helga Ingólfsdóttir til máls, bæjarstjóri Guðrún Ágústa Guðmundsdóttir kom að andsvari við ræðu Helgu Ingólfsdóttur, Helga Ingólfsdóttir svaraði andsvari, bæjarstjóri Guðrún Ágústa Guðmundsdóttir kom að andsvari öðru sinni.
Bæjarstjórn Hafnarfjarðar samþykkti fyrirliggjandi tillögu um sorpeyðingargjald með 6 atkvæðum gegn 5.
Bæjarstjórn Hafnarfjarð samþykkti fyrirliggjandi tillögu vegna breytinga á 7. grein gjaldskrár leiksskóla með 11 samhljóða atkvæðum.
Bæjarstjórn Hafnarfjarðar samþykkti fyrirliggjandi tillögu vegna breytinga á 2. og 3. grein gjaldskrár frístundaheimila með 11 samhljóða atkvæðum.
Helga Ingólfsdóttir lagði fram eftirfarandi bókun bæjarfulltrúa Sjálfstæðisflokksins:
"Fyrirhugðuð hækkun úr kr. 24.158 í kr. 25.800 er 6,8% sem bætist við verulega hækkun sem sett var inn á síðasta ári en þá var gjaldið hækkað um 25,17%.
Mikil krafa er í samfélaginu að sveitarfélög haldi í sér varðandi gjaldskrárhækkanir og leggi þannig sitt af mörkum til að tryggja stöðugleika í aðdraganda kjarasamninga og skemmst er að minnast að Reykjavíkurborg tók til baka sínar gjaldskráhækkanir sem áætlaðar voru við gerð fjárhagsáætlunar 2014."
Gert var stutt fundarhlé.
Að loknu fundarhléi tók bæjarstjóri Guðrún Ágústa Guðmundsdóttir til máls og lagði fram eftirfarandi bókun bæjarfulltrúa Vinstri hreyfingarinnar græns framboðs og Samfylkingaar:
"Engar gjaldskrárhækkanir eru fyrirhugaðar í fræðslu- og fjölskyldumálum, ásamt því sem álagningarhlutfall fasteignaskatts lækkar annað árið í röð. Hækkun á sorphirðugjöldum er bein afleiðing af úrskurði útskurðarnefndar útboðsmála sem meinaði bæjarfélagniu að semja við lægsbjóðanda um sorpþjónustu í bænum."