Skipulags- og byggingarráð samþykkir aðalskipulagsbreytinguna og að hér sé um óverulega breytingu að ræða, sem falli undir 2. mgr. 26. greinar skipulagslaga nr. 123/2010. Skipulags- og byggingarráð gerir eftirfarandi tillögu til bæjarstjórnar:
"Bæjarstjórn Hafnarfjarðar samþykkir breytingu á Aðalskipulagi Hafnarfjarðar 2005-2015 dags. 13.08.13 hvað varðar stofnanasvæði Gamla Lækjarskóla og Mjósunds 10, þannig að notkun lóðarinnar Mjósund 10 breytist í íbúðarsvæði til samfæmis við aðliggjandi íbúðarbyggð. Bæjarstjórn telur að breytingin sé óveruleg, þar sem um lítið svæði er að ræða, breytingin snertir fáa og áhrif hennar teljast vera fremur jákvæð, og að farið verði með breytinguna skv. 2. mgr. 36. greinar skipulagslaga nr. 123/2010."