Fyrirspurn
Forsetanefnd vísar með 2 atkvæðum breyttum samþykktum um stjórn Hafnarfjarðarkaupstaðar og hafnarreglugerð fyrir Hafnarfjarðarhöfn til fyrri umræðu í bæjarstjórn.
Fulltrúi Vinstri grænna situr hjá.
Fulltrúar Samfylkingar og Vinstri grænna leggja fram eftirfarandi bókun: Samþykkt um stjórn og fundarsköp eru grunnreglur hvers sveitarfélags sem hver einstök sveitarstjórn setur sér lögum samkvæmt. Fulltrúar Samfylkingar og Vinstri grænna vilja að það komi fram að hingað til hafa allar breytingar á Samþykktum Hafnarfjarðarbæjar verið unnar í samstarfi fulltrúa allra flokka. Sá háttur hefur verið hafður á að forsetanefnd undirbýr breytingar og hefur undantekningalaust átt fjölda samráðs- og vinnufunda áður en til breytinga hefur komið. Í samræmi við eðli og tilgang samþykktanna hefur sömuleiðis verið lögð höfuðáhersla á að ná þverpóltísktri sátt um tillögur til bæjarstjórnar að breytingum á þeim. Hér virðist aftur á móti vera viðhaft það einkennilega vinnulag að halda einn fund í Forsetanefnd þar sem fulltrúar meirihluta tilkynnir fulltrúum minnihlutans um breytingar sem meirhluti ætlar að framkvæma og keyra í gegn í bæjarstjórn. Fulltrúar minnihlutans fordæma þessi vinnubrögð og þann augljóslega skort á vilja til eðlilegs samráðs og samvinnu sem í þeim endurspeglast.
Fulltrúar Bjartrar framtíðar og Sjálfstæðisflokks leggja fram eftirfarandi bókun: Fulltrúar meirihluta fagna vilja minnihluta til samráðs og samstarfs í skipulagsbreytingum hjá Hafnarfjarðarbæ. Sá vilji er gagnkvæmur. Fyrir liggur samþykkt bæjarstjórnar á breyttu skipulagi Hafnarfjarðarbæjar. Verkefni forsetanefndar er að þessu sinni að undirbúa fyrstu umræðu í bæjarstjórn á breytingum í samþykktum bæjarins sem byggja á fyrrgreindri samþykkt bæjarstjórnar.
Svar
Guðlaug Kristjánsdóttir tók til máls og tók 1. varaforseti Elva Dögg Ásudóttir Kristinsdóttir við stjórn fundarins undir ræðu hennar.
Þá tók Gunnar Axel Axelsson til máls og lagði fram eftirfarandi tillögu:
"Í ljósi þess að framlagðar tillögur hafa ekki fengið fullnægjandi umfjöllun, ekki hefur leitað eftir og tekið tillit til umsagna fagaðila á viðkomandi sviðum, ekkert samráð hefur átt sér stað við hagsmunaaðila og forsetanefnd hefur ekki fengið eðlilegt ráðrúm til að leggja mat á tillögurnar og móta þær endanlega, leggjum við til að málinu verði vísað aftur til forsetanefndar sem fái það verkefni að undirbúa málið í samræmi við framkomnar ábendingar og athugasemdir áður en bæjarstjórn fær það til formlegrar afgreiðslu."
Kristinn Andersen kom að andsvari við ræðu Gunnars Axels Axelssonar, Gunnar Axel Axelsson svaraði andsvari, Kristinn Andersen kom að andsvari öðru sinni, Gunnar Axel Axelsson svaraði andsvari öðru sinni.
Helga Ingólfsdóttir kom einnig að andsvari við upphaflegri ræðu Gunnars Axels Axelssonar, einnig Guðlaug Kristjánsdóttir og tók 1. varaforseti Elva Dögg Ásudóttir Kristinsdóttir við stjórn fundarins á meðan, Gunnar Axel Axelsson svaraði andsvari, Guðlaug Kristjánsdóttir kom að andsvari öðru sinni, Gunnar Axel Axelsson svaraði andsvari öðru sinni. Guðlaug Kristjánsdóttir kom að stuttri athugasemd og tók síðan við stjórn fundarins að nýju.
Elva Dögg Ásudóttir Kristinsdóttir tók síðan til máls og gerði einnig að tillögu sinni að vísa málinu aftur til forsetanefdnar, Guðlaug Kristjánsdóttir kom að andsvari og tók 2. varaforseti við stjórn fundarins á meðan, Elva Dögg Ásudóttir svaraði andsvari, Guðlaug Kristjánsdóttir kom að andsvari öðru sinni, Elva Dögg Ásudóttir Kristinsdóttir svaraði andsvari öðru sinni.
Guðlaug Kristjánsdóttir tók við stjórn fundarins að nýju.
Rósa Guðbjartsdóttir kom að andsvari við upphaflegri ræðu Elvu Daggar Ásudóttur Kristinsdóttur, Elva Dögg Ásudóttir Kristindóttir svaraði andsvari, Rósa Guðbjartsdóttir kom að andsvari öðru sinni.
Adda María Jóhannsdóttir tók þessu næst til máls, Helga Ingólfsdóttir kom að andsvari, Adda María Jóhannsdóttir svaraði andsvari, Guðlaug Kristjánsdóttir kom einnig að andsvari og tók 1. varaforseti Elva Dögg Ásudóttir Kristinsdóttir við stjórn fundarins á meðan, Adda María Jóhannsdóttir svaraði andsvari, Guðlaug Kristjánsdóttir kom að andsvari öðru sinni, Adda María Jóhannsdóttir svaraði andsvari öðru sinni, Guðlaug Kristjánsdóttir kom að stuttri athugasemd.
Rósa Guðbjartsdóttir kom einnig að andsvari við upphaflegri ræðu Öddu Maríu Jóhannsdóttur, Adda María Jóhannsdóttir svaraði andsvari, Rósa Guðbjartsdóttir kom að andsvari öðru sinni, Adda María Jóhannsdóttir svaraði andsvari öðru sinni, Rósa Guðbjartsdóttir kom að athugasemd svo og Adda María Jóhannsdóttir.
Gunnar Axel Axelsson tók til máls öðru sinni, Rósa Guðbjartsdóttir kom að andsvari, Gunnar Axel Axelsson svaraði andsvari, Unnur Lára Bryde kom einnig að andsvari við ræðu Gunnars Axels Axelssonar, Gunnar Axel Axelssonar svaraði andsvari.
Bæjarstjóri Haraldur L. Haraldsson tók þá til máls, Gunnar Axel Axelsson kom að andsvari.
Elva Dögg Ásudóttir Kristinsdóttir tók síðan til máls öðru sinni, Guðlaug Kristjánsdóttir kom að andsvari og tók 2. varaforseti Kristinn Andersen við stjórn fundarins á meðan, Elva Dögg Ásudóttir Kristinsdótir svaraði andsvari, Guðlaug Kristjánsdóttir kom að andsvari öðru sinni.
Gunnar Axel Axelsson tók til máls vegna fundarskapa.
Bæjarstjóri Haraldur L. Haraldsson tók til máls, Gunnar Ael Axelsson kom að andsvari.
Bæjarstjórn Hafnarfjarðar felldi með 7 atkvæðum gegn 4 að vísa málinu til forsetanefndar.
Bæjarstjórn Hafnarfjarðar samþykkir með 7 samhljóða atkvæðum að vísa breytingum á samþykktun á stjórn Hafnarfjarðarkaupstaðar og breytingum á hafnarreglugerð til síðari umræðu.
Fulltrúar Samfylkingar og Vinstri hreyfingarinnar græns framboð sitja hjá við afgreiðsluna.
Forseti lagði fram eftirfarandi bókun bæjarfulltrúa Sjálfstæðisflokks og Bjartrar framtíðar:
Meirihluti bæjarstjórnar leggur áherslu á að forsetanefnd fundi um fyrirliggjandi tillögur um breytingar á samþykktum og fái lögfræðing sambands sveitarfélaga að þeirri umræðu, áður en kemur til annarrar umræðu í bæjarstjórn.
Gert fundarhlé kl. 18:05 - 18:20
