Skipulags- og byggingarráð telur að með bættum mengunarvörnum megi minnka þynningarsvæði álversins, eins og fram kom í viðræðum við fulltrúa þess í sambandi við stækkunaráform 2006-7. Skipulags- og byggingarráð óskar því eftir formlegum viðræðum við fulltrúa álversins um að sent verði sameiginlegt erindi Alcan á Íslandi og Hafnarfjarðarbæjar til Umhverfisstofnunar um minnkun þynningarsvæðisins og hvaða undirbúningsvinna og upplýsingar þurfi að liggja fyrir áður en endaleg ákvörðun verði tekin.