Sörlaskeið 9 er skráð á byggingarstigi 4, þrátt fyrir að vera fullbúið. Það vantar lokaúttekt. Skipulags- og byggingarfulltrúi boðaði til lokaúttektar 03.05.2012 kl. 15:00 í samræmi við 36. grein mannvirkjalaga nr. 160/2010. Byggingarstjóri mætti á staðinn og kvaðst ætla að sækja um lokaúttekt. Sú umsókn hefur ekki borist. Skipulags- og byggingarfulltrúi gerði 02.04.13 byggingarstjóra skylt að sækja um lokaúttekt innan fjögurra vikna. Yrði ekki brugðist við því mundi skipulags- og byggignarfulltrúi beita ákvæðum 56. greinar mannvirkjalaga nr. 160/2010 til að knýja fram úrbætur. Skipulags- og byggingarfulltrúi ítrekaði 19.02.14 fyrirmæli sín. Yrði ekki brugðist við þeim innan þriggja vikna mundi skipulags- og byggingarfulltrúi leggja dagsektir á byggingarstjóra og eigendur og senda erindi til Mannvirkjastofnunar um áminningu í samræmi við lög um mannvirki nr. 160/2010. Jafnframt er bent á ábyrgð eigenda að hafa eftirlit með störfum byggingarstjóra skv. 15. grein sömu laga. Reyndarteikningar hafa borist en ekki verið samþykktar þar sem athugasemdir voru gerðar.