Hesthúsin við Sörlaskeið 21 eru skráð á byggingarstigi 4 og 5 og matstigi 5 og 8. Skipulags- og byggingarfulltrúi boðaði til lokaúttektar dags. 25.11.11, en byggingarstjóri brást ekki við erindinu, sagður fluttur úr landi. Skipulags- og byggingarfulltrúi gerði 02.04.13 eigendum skylt að ráða nýjan byggingarstjóra og sækja um lokaúttekt innan fjögurra vikna. Skipulags- og byggingarstjóri tilkynnti á afgreiðslufundi 19.02.14 að hann mundi leggja dagsektir á eigendur skv. 56. grein laga um mannvirki nr. 160/2010 hafi þeir ekki brugðist við erindinu innan þriggja vikna, ráðið nýjan byggingarstjóra og sótt um lokaúttekt innan þess tíma.