Geir Jónsson tók til máls. Gunnar Rafn Sigurbjörnsson, staðgengill bæjarstjóra, tók til máls. Þá Gunnar Axel Axelsson. Geir Jónsson tók til máls að nýju og lagði fram svohljóðandi bókun f.h. fulltrúa Sjálfstæðisflokks: "Sjálfstæðismenn í bæjarstjórn Hafnarfjarðar lýsa yfir áhyggjum af framtíð St. Jósefsspítala, þar sem stefnir í að starfsemi spítalans færist að öllu leyti til Landspítala-Háskólasjúkrahúss. Ekki hefur verið sýnt fram á sparnað af þessum aðgerðum, með þeim eru allar líkur á að mikilvæg og sértæk heilbrigðisþjónusta verði skert eða með öllu lögð af og á annað hundrað starfa hverfa úr Hafnarfirði. Skorað er á heilbrigðisráðherra að standa við orð sín um samráð og að St. Jósefsspítali geti áfram veitt þá þjónustu sem þar hefur verið byggð upp af þekkingu og hagkvæmni." Valdimar Svavarsson (sign) Rósa Guðbjartsdóttir (sign) Kristinn Andersen (sign) Geir Jónsson (sign ) Helga Ingólfsdóttir (sign) Lúðvík Geirsson tók til máls og gerði athugasemdir við fundarsköp. Þá tók Gunnar Axel Axelsson til máls. Forseti úrskurðaði um rétt bæjarfulltrúa til að fá bókaðar stuttar athugasemdir um afstöðu sína til þeirra mála sem til umræðu eru skv. 31. gr. sveitarstjórnarlaga. Ekki voru gerðar athugasemdir við úrskurð forseta. Kristinn Andersen tók til máls. Gunnar Axel Axelsson kom að andsvari. Guðfinna Guðmundsdóttir tók til máls. Þá Eyjólfur Sæmundsson. Valdimar Svavarsson tók til máls. Þá Lúðvík Geirsson. Valdimar Svavarsson kom að andsvari. Lúðvík Geirsson svaraði andsvari.