Sigurður Gísli Sigurðsson eigandi íbúðar í húsinu mætti í viðtal 24.11.10 og óskaði eftir að byggingarleyfi veitt af skipulags- og byggingarfulltrúa 13.10.10 verði tekið til umfjöllunar í skipulags- og byggingarráði og krafa gerð um handrið á palli fyrir framan íbúð hans vegna fallhættu. Erindið var til umfjöllunar á afgreiðslufundi skipulags- og byggingarfulltrúa 24.11.2010, sem vísaði því til skipulags- og byggingarráðs.
Svar
Skipulags- og byggingarráð vísar til þess að á húsfundi 15. september sl. voru teikningar samþykktar samhljóða. Þess vegna er ekki ástæða til að endurskoða ákvörðun byggingarfulltrúa um útgáfu byggingarleyfis samkvæmt þeim teikningum.