Lúðvík Geirsson tók til máls. Þá Haraldur Þór Ólason, Guðrún Ágústa Guðmundsdóttir og Gunnar Svavarsson. Fyrirliggjandi tillaga var samþykkt samhljóða með 11 atkv. Fulltrúar Sjálfstæðisflokksins komu að svohljóðandi bókun: "Bæjarfulltrúar Sjálfstæðisflokks og Vinstri grænna samþykkja framlagða tillögu um 511 milljón króna hagræðingu í rekstri bæjarfélagsins en benda jafnframt á að niðurskurðurinn sé alls ekki nægur. Nú þegar eru fyrirsjáanlegar hækkanir á tryggingagjaldi, aukin útgjöld í félagsþjónustunni og til æskulýðsmála sem nemur 257 milljónum króna. Grípa hefði þurft til enn frekari aðhaldsaðgerða strax við upphaflega afgreiðslu fjárhagsáætlunar til þess að ná endum saman auk þess sem ljóst er að við blasir enn þyngri rekstur og auknar afborganir lána á næsta ári. Bæjarfulltrúar Sjálfstæðisflokks og Vinstri grænna benda á að tillaga að endurskoðaðri fjárhagsáætlun er lítt útfærð og því óljóst hvaða rekstrarþætti eða þjónustu eigi að skera niður og áskilja sér því fullan rétt á að taka afstöðu til einstakra tillagna um niðurskurð og hagræðingar sem settar verða fram á næstu vikum og mánuðum í ráðum og nefndum bæjarins. Bent var á við afgreiðslu fjárhagsáætlunar 7. janúar sl. að í raun þyrfti um 800 milljóna króna aukna hagræðingu miðað við þá fjárhagsáætlun sem samþykkt var." Haraldur Þór Ólason sign. Rósa Guðbjartsdóttir sign. Almar Grímsson sign Guðrún Ágústa Guðmundsdóttir sign. Fundarhlé. Lúðvík Geirsson kom að svohljóðandi bókun: "Í tilefni af sameiginlegri bókun bæjarfulltrúa Vinstri grænna og Sjálfstæðisflokksins er full ástæða til kalla eftir frekari tillögum þessara flokka um hagræðingu og niðurskurð, en slíkar tillögur hafa ekki komi fram í þeirri vinnu sem fram hefur farið undanfarnar vikur við endurkoðun fjárhagsáætlunar. Þvert á móti hefur verið lagst eindregið gegn ákveðnum framkomnum tillögum. Verulega hefur verið hagrætt í rekstri bæjarfélagsins á undanförnum mánuðum eins og öllum er ljóst. Sú hagræðing hefur verið í fullu samræmi við þá fjárhagsáætlun sem samþykkt var með atkvæðum bæjarfulltrúa Samfylkingar og Vinstri grænna. Bókun bæjarfulltrúa Vinstri grænna er því nokkuð sérstök með vísan til þeirrar afgreiðslu og bókunar fulltrúa flokksins við samþykkt fjárhagsáætlunar ársins 2009 í byrjun janúar sl. Bæjarfulltrúar Samfylkingar fagna þeirri stefnubreytingu bæjarfulltrúa Sjálfstæðisflokksins að taka nú virkan þátt í gerð fjárhagsáætlunar og vænta þess að gott samstarf geti náðst í ráðum bæjarins og bæjarstjórn um frekari endurskoðun fjárhagsáætlunar. Samfylkingin mun ekki frekar en hingað til víkja sér undan ábyrgð í þeirri vinnu." Lúðvík Geirsson Ellý Erlingsd óttir Guðm. Rúnar Árnason Margrét Gauja Magnúsdóttir Helena Jóhannsdóttir Gunnar Svavarsson Gísli Ó. Valdimarsson