Bæjarráð samþykkir fyrirliggjandi tillögu með 3 atkvæðum. Bæjarráðsfulltrúar Sjálfstæðisflokksins sitja hjá við afgreiðslu málsins og leggja fram eftirfarandi bókun: Í því árferði sem nú er, er það mat sjálfstæðismanna að ýmis önnur verkefni í sveitarfélaginu teljist brýnni en ferð bæjarfulltrúa eða embættismanna á vinabæjarmót með tilheyrandi kostnaði. Þó er ekki lagst gegn stuðningi bæjarins við þátttöku hafnfirskra ungmenna í vinabæjarmótinu. Bæjarráðsfulltrúar Samfylkingar og Vinstri grænna telja rétta að halda þessu áratuga vinabæjarsamstarfi áfram með lágmarkstilkostnaði eins og tillagan gerir ráð fyrir.