Lögð fram eftirfarandi fyrirspurn bæjarráðsfulltrúa Sjálfstæðisflokksins: Fulltrúar Sjálfstæðisflokksins í bæjarráði óska eftirfarandi upplýsinga um greiddan kostnað vegna aðkeyptra ráðgjafarverkefna árin 2004, 2005, 2006, 2007 og 2008. Átt er við öll verk sem verkfræðistofur, ráðgjafarfyrirtæki eða einstaklingar hafa innt af hendi. Tilgreind verði öll þau verkefni sem hvert einstakt fyrirtæki eða hver einstaklingur hefur unnið fyrir Hafnarfjarðarbæ á umræddu tímabili og sú þóknun sem greidd hefur verið fyrir hvert þeirra.