Valfell ehf sótti 27.10.2008 um leyfi til að girða lóð af samkvæmt teikningum Svanlaugs Sveinssonar dagsettar okt.2008. Samþykki lóðareiganda að Kalpahrauni 16 barst þann 03.11.2008 ásamt eigenda Skútahrauni 11, norðurhluta. Byggingarleyfi var samþykkt á afgreiðslufundi 25.02.2009. Skipulags- og byggingarfulltrúi stöðvaði framkvæmdir 03.06.2009 þar sem ekki lágu fyrir upplýsingar um kvöð um umferð milli húsanna við afgreiðslu erindisins. Lagður fram tölvupóstur Smára Úlfarsonar dags. 30.06.2009, þar sem hann óskar f.h. Sólbergseigna eftir að byggingarfulltrúi gangi í að lóðin milli eignanna Skútahraun 9A og 11 verði sett í fyrra horf eins og kvöð segi til um sem allra fyrst. Erindið var til umfjöllunar á afgreiðslufundi skipulags- og byggingarfulltrúa sem vísaði því til skipulags- og byggingarráðs.