Skipulags- og byggingarráð leggur áherslu á að hér verði um opna hugmyndasamkeppni að ræða, eins og samþykkt bæjarstjórnar frá 1. júní 2008 gerði ráð fyrir, þar sem bæjarbúum verði gefinn kostur á að setja fram hugmyndir um uppbyggingu reitsins. Stefnt er að því að höfða til sem flestra bæjarbúa, og verði það m.a. kynnt sérstaklega í skólum bæjarins. Ráðið felur skipulags- og byggingarsviði að taka saman uppdrætti og önnur nauðsynleg gögn varðandi skipulag svæðisins og gera aðgengileg á vefsíðu bæjarins. Lagt er til að hugmyndasamkeppninstandi yfir til 1. mars 2011. Munu fimm áhugaverðustu tillögurnar kynntar opinberlega. Í framhaldi verði skoðað hvernig standa megi að uppbyggingu reitsins í samhengi við aðliggjandi svæði og framkomnar tillögur hafðar þar til hliðsjónar.