Erindið var áður tekið fyrir á fundi skipulags- og byggingarnefndar þann 13. janúar 2021 og samþykkt með þremur atkvæðum. Á fundi bæjarstjórnar þann 20. janúar 2021 var eftirfarandi bókað: Forseti leggur til að afgreiðslu á deiliskipulagstillögu fyrir Smáratún 1 á Selfossi verði frestað til næsta bæjarstjórnarfundar. Vilyrðishafa lóðarinnar ber í millitíðinni að leggja fram til skipulags- og byggingarnefndar teikningar af sænska húsinu eins og það mun koma til með að líta út á lóðinni í þrvídd til að hægt sé að átta sig á götumynd og útliti eftir þessar breytingar. Tillagan var samþykkt samhljóða.
Nú hafa umbeðin gögn borist til skipulags- og byggingarnefndar. Breytingar í kjölfar athugasemda hafa verið gerðar á tillögunni og tekið skýrt fram að umrædd tillaga taki einungis til flutnings eða nákvæmrar endurbyggingar á sænska húsinu á lóðinni Smáratún 1. Skipulagsfulltrúa falið að senda þeim sem gerðu athugasemdir við tillöguna áður gerða umsögn um athugasemdir dags. 19. janúar 2021 ásamt uppfærðri tillögu og þrívíddarmyndum.
Lagt fram til kynningar.