Svar

Bæjarráð samþykkir tillöguna.

Eftirfarandi bókun lögð fram:
Bæjarfulltrúar meirihluta bæjarstjórnar telja nauðsynlegt að fjárfestingaáætlun sveitarfélagsins verði endurskoðuð í ljósi þeirra áhrifa sem aðgerðir vegna Covid-19 munu hafa í för með sér.
Gera verður ráð fyrir að útsvarstekjur sveitarfélagsins lækki á árinu 2020 vegna lækkunar á umsvifum í atvinnulífi. Einnig má búast við auknum útgjöldum sveitarfélagsins vegna ákvarðana um aðgerðir til að koma til móts við íbúa og atvinnulíf.
Fjárfestingaáætlun Svf. Árborgar gerir ráð fyrir gríðarmiklum fjárfestingum í framkvæmdum og viðhaldi og því er ekki sömu forsendur og í öðrum sveitarfélögum til að fara í framkvæmdir umfram það sem áður var áætlað.
Þvert á móti er mikilvægt að horfa til breyttra tekjuforsendna og endurmeta fjárfestingagetuna í því ljósi. Vissulega er vilji til að halda framkvæmdum eins miklum og mögulegt er og spyrna þannig við erfiðu efnahagsástandi. Jafnframt þarf þó að gæta þess að sveitarfélagið reisi sér ekki hurðarás um öxl heldur verði áfram í sterkri stöðu til að byggja upp þróttmikið samfélag með sterkum samfélagslegum innviðum.
Bæjarfulltrúar meirihlutans fagna tillögu D-lista og að sameiginlegur skilningur sé á viðfangsefni sveitarfélagsins í núverandi ástandi.

Eggert Valur Guðmundsson, S-lista
Tómas Ellert Tómasson, M-lista