Á embættisafgreiðslufundi skipulagsfulltrúa 5. júní 2025 var lögð fram umsókn DAP ehf, dags. 9. maí 2025, um breytingu á deiliskipulagi Reykjavíkurflugvallar vegna lóðarinnar nr. 22 við Þorragötu. Í breytingunni sem lögð er til felst að breyta fyrirkomulagi og staðsetningu á eldsneytisbirgðastöð, samkvæmt uppdr. DAP, dags. 1. júlí 2025. Erindinu var vísað til meðferðar hjá verkefnastjóra og er nú lagt fram að nýju.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda (og borgarinnar), sbr. 3. mgr. 44. gr. skipulagslaga nr. 123/2010.
Vakin er athygli á að greiða þarf fyrir óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. gr. 8.2. í gjaldskrá skipulagsfulltrúa nr. 1381/2024, áður en breytingin er auglýst í B-deild Stjórnartíðinda.