Lögð fram svohljóðandi tillaga fulltrúa Sjálfstæðisflokksins: Lagt er til að úrbætur verði gerðar á hjólreiðabrautum á Hverfisgötu. Merkja þarf brautirnar með skýrum og áberandi hætti en núverandi merkingar eru of fáar og flestar þeirra máðar. Þá þarf að bæta tengingar við sinn hvorn enda hjólareinanna og bæta aðkomu þeirra að Snorrabraut. Æskilegt er að sett séu upp varúðarmerki eða aðrar merkingar þar sem hjólareinarnar enda án fyrirvara og renna saman við akbrautina, sem hefur slysahættu í för með sér. Greinargerð fylgir tillögu.