Á embættisafgreiðslufundi skipulagsfulltrúa 10. apríl 2025 var lagt fram erindi frá afgreiðslufundi byggingarfulltrúa frá 11. mars 2025 þar sem sótt er um leyfi til að byggja nýtt anddyri á vesturhlið, og stækka viðbyggingu á suðurhlið og koma fyrir svölum á þaki beggja viðbygginga við einbýlishús á lóð nr. 1 við Sólvallagötu. Einnig var lögð fram umsögn Minjastofnunar Íslands, dags. 25. mars 2025. Umsækjandi var beðin um að hafa samband við embættið og er erindi nú lagt fram að nýju.
Samþykkt að grenndarkynna framlagða byggingarleyfisumsókn fyrir hagsmunaaðilum að Sólvallagötu 2, 3 og 4 og Ávallagötu 2 og 4.
Vakin er athygli á að greiða þarf fyrir grenndarkynningu áður en kynning fer fram samkv. gr. 8.1. í gjaldskrá skipulagsfulltrúa nr. 1381/2024.