Að lokinni grenndarkynningu er lögð fram að nýju umsókn Trípólí ehf., dags. 27. janúar 2025, um breytingu á deiliskipulagi Sundanna, reita 1.3 og 1.4 vegna lóðarinnar nr. 59 við Efstasund. Í breytingunni sem lögð er til felst að stækka byggingarreit til norðvesturs, samkvæmt deiliskipulags- og skuggavarpsuppdráttum Trípólí arkitekta, dags. 10. febrúar 2025. Einnig eru lagðir fram aðaluppdrættir Trípólí arkitekta, dags. 27. janúar 2025. Tillagan var grenndarkynnt frá 26. febrúar 2025 til og með 26. mars 2025 en þar sem samþykki hagsmunaaðila barst 10. mars 2025 er erindi nú lagt fram að nýju. Einnig er lögð fram ábending Veitna, dags. 6. mars 2025.
Samþykkt með vísan til heimilda, sbr. heimildir um embættisafgreiðslur skipulagsfulltrúa í viðauka 2.3. við samþykktum stjórn Reykjavíkurborgar og fundarsköp borgarstjórnar.