Á embættisafgreiðslufundi skipulagsfulltrúa 5. desember 2024 var lögð fram fyrirspurn Steinunnar Völu Sigfúsdóttur, dags. 12. nóvember 2024, um undanþágur frá samþykktu deiliskipulagi Háskólans í Reykjavík vegna lóðarinnar nr. 79 við Nauthólsveg, sem varða gólfkóða jarðhæða, byggingarmagn og tilfærslu fermetra milli bygginga, aðkomu að bílageymslu, staðsetningu djúpgáma, staðsetningu bílastæða og kvöð um almennt aðgengi á vesturhlið byggingar E1, samkvæmt tillögu Skala arkitekta, ódags. Fyrirspurninni var vísað til umsagnar verkefnastjóra og er nú lögð fram að nýju ásamt Þrívíddarmyndum af bílgeymslurampi, dags. 10. desember 2024, lóðaruppdrætti, dags. 19. desember 2024 og skuggavarpsathugun, dags. 7. janúar 2025. Jafnframt er lögð fram umsögn skipulagsfulltrúa, dags. 13. febrúar 2025.
Umsögn skipulagsfulltrúa, dags. 13. febrúar 2025, samþykkt.