Að lokinni grenndarkynningu er lögð fram að nýju umsókn Jeannot A. Tsirenge, dags. 1. apríl 2024, ásamt bréfi, ódags., um breytingu á deiliskipulagi fyrir Snorrabraut-Hlemm vegna hússins nr. 29 á lóð nr. 27-29 við Snorrabraut. Í breytingunni sem lögð er til felst að heimila svalir út fyrir byggingarreit á ákveðnum stöðum á húsinu, samkvæmt tillögu umhverfis- og skipulagssviðs, dags. 26. apríl 2024, br. 4. september 2024. Tillagan var grenndarkynnt frá 15. maí 2024 til og með 13. júní 2024. Eftirtaldir sendu athugasemdir: Ingólfur Árni Gunnarsson f.h. Vatnaborga ehf. eiganda að Snorrabraut 27 og lóðarhafa að lóðinni Snorrabraut 27-29, dags. 13. júní 2024. Erindinu var vísað til umsagnar verkefnastjóra á embættisafgreiðslufundi skipulagsfulltrúa 20. júní 2024 og er nú lagt fram að nýju ásamt umsögn skipulagsfulltrúa, dags. 5. september 2024.
Samþykkt með vísan til umsagnar skipulagsfulltrúa, dags. 5. september 2024, og með vísan til heimilda um embættisafgreiðslur skipulagsfulltrúa sbr. viðauka um embættisafgreiðslur skipulagsfulltrúa við samþykkt um stjórn Reykjavíkurborgar.