Á embættisafgreiðslufundi skipulagsfulltrúa 7. mars 2024 var lagt fram erindi frá afgreiðslufundi byggingarfulltrúa þar sem sótt er um leyfi til þess að breyta innra skipulagi, koma fyrir nýjum gluggum á suðurhlið 1. hæðar og flóttahurð og flóttastiga á norðurhlið og uppfæra brunavarnir í skrifstofuhúsi á lóð nr. 9 við Efstaleiti. Erindinu var vísað til umsagnar verkefnastjóra og er nú lagt fram að nýju.
Ekki eru gerðar athugasemdir við erindið. Samþykkt að veita undanþágu frá deiliskipulagsbreytingu með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr.  3. mgr. 43. gr. skipulagslaga nr. 123/2010.