Lögð fram að nýju umsókn Auðar Hreiðarsdóttur/Esju Architecture, dags. 9. janúar 2023, um breytingu á deiliskipulagi Heimahverfis vegna lóðarinnar nr. 36 við Sólheima. Í breytingunni sem lögð er til felst að byggingarreitur fyrir bílskúr er færður til vesturs og staðsettur í vesturhorni lóðar á mörkum Sólheima 34, 36 og Glaðheima 18, ásamt því að notkun hans er breytt í tómstundahús, og byggingarreitur fyrir íbúðarhús er færður neðar á lóðina til að passa núverandi íbúðarhúsi ásamt því að hægt verði að stækka húsið, samkvæmt uppdr. Esju Architecture, dags. 8. janúar 2023. Einnig eru lagðir fram skuggavarpsuppdr. Esju Architecture sem sýna skuggavarp fyrir og eftir breytingar, dags. 8. janúar 2024. Deiliskipulagsbreytingin öðlaðist gildi með birtingu auglýsingar í B-deild Stjórnartíðinda 24. maí 2024, en þar sem misfórst að senda grenndarkynningu á hagsmunaaðila að Glaðheimum 18 er lagt til að málið verði endurvakið og að samþykktin falli úr gildi, sbr. minnisblaði lögfræðideildar skrifstofu stjórnsýslu og gæða, dags. 4. nóvember 2024. Erindi er nú lagt fram að nýju ásamt uppfærðum uppdráttum Esju Architecture, deiliskipulags- og skuggavarpsuppdrættir, dags. 27. nóvember 2024.
Samþykkt deiliskipulagsbreytingarinnar er felld úr gildi með vísan til framlagðs minnisblaðs, dags. 4. nóvember 2024.
Samþykkt að grenndarkynna framlagða uppfærða tillögu að óverulegri breytingu á deiliskipulagi fyrir hagsmunaaðilum að Sólheimum 34 og 38 og Glaðheimum 18.