Á embættisafgreiðslufundi skipulagsfulltrúa 11. janúar 2024 var lögð fram umsókn Hverfisgötu 100 ehf., dags. 4. janúar 2024, um breytingu á deiliskipulagi reits 1.174.1, með síðari breytingum að Hverfisgötu 100 (98A, 100 og 100A) og 100C. Í breytingunni sem lögð er til felst breyting á lóðamörkum milli lóða nr. 100 og 100C. Lóð 100 (fyrir sameiningu 98A, 100 og 100A) minnkar og lóð 100C stækkar sem því nemur ásamt því að byggingarmagn lóðar 100 breytist til samræmis við minnkun lóðarinnar, samkvæmt uppdr. Arkþing/Nordic dags. 13. nóvember 2023. Erindinu var vísað til meðferðar hjá verkefnastjóra og er nú lagt fram að nýju.
Samþykkt með vísan til til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a. liður 2. gr. í viðauka 2.3 um embættisafgreiðslur skipulagsfulltrúa. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda með vísan til 2. ml. 3. mgr. 44. gr. skipulagslaga nr. 123/2010.
Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1276/2023, áður en breytingin er auglýst í B- deild Stjórnartíðinda.