Á embættisafgreiðslufundi skipulagsfulltrúa 4. janúar 2024 var lögð fram umsókn Rökkurhafnar, dags. 19. desember 2023, um breytingu á deiliskipulagi Heilsuverndarreits vegna lóðarinnar nr. 54 við Snorrabraut. Í breytingunni sem lögð er til felst að endurbyggja húsið (Mjólkurstöðin) sem íbúðahótel en um leið færa bygginguna nær upphaflegu útliti, stækka kjallarahæð sem leiðir til stækkunar skráðra fermetra neðanjarðar, endurgera glugga sem næst upprunalegri mynd, fjarlægja eldri byggingarhlutar til norðvesturs en þar er núverandi anddyri hússins og gera þess í stað minni útbyggingu sem verður nýtt anddyri hússins, hækka gólfplötu á 1. hæð, síkka glugga að Snorrabraut lítillega og rífa og endurbyggja Ketilhúsið í fyrri mynd að utanverðu, samkvæmt uppdr. TEIKNA, Teiknistofu arkitekta, dags. 25. mars 2024. Erindinu var vísað til meðferðar hjá verkefnastjóra og er nú lagt fram að nýju.
Samþykkt með vísan til til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a. liður 2. gr. í viðauka 2.3 um embættisafgreiðslur skipulagsfulltrúa. Samþykkt að falla frá kynningu þar sem breyting á deiliskipulagi varðar ekki hagsmuni annarra en umsækjanda með vísan til 2. ml. 3. mgr. 44. gr. skipulagslaga nr. 123/2010. Breytingarnar eru í samræmi við núgildandi landnotkun á lóðinni skv. deiliskipulagi og umfang byggðar er óbreytt.