Á embættisafgreiðslufundi skipulagsfulltrúa 7. desember 2023 var lagt fram erindi Heilbrigðiseftirlits Reykjavíkur, dags. 28. nóvember 2023, þar sem óskað er eftir umsögn skipulagsfulltrúa vegna umsóknar B.M. Vallár um breytingu á starfsleyfi m.t.t. gildistíma fyrir rekstur steypustöðvar og steypueiningaverksmiðju að Bíldshöfða 7. Þegar hefur verið gefið út starfsleyfi til ársins 2026 en sótt er um að leyfið gildi út 2030. Óskað er eftir því að í umsögninni verði gerð tillaga að gildistíma starfsleyfis í ljósi skipulagsmála. Erindinu var vísað til umsagnar verkefnastjóra og er nú lagt fram að nýju ásamt umsögn deildarstjóra aðalskipulags, dags. 15. maí 2024.
Umsögn deildarstjóra aðalskipulags, dags. 15. maí 2024, samþykkt.