Á embættisafgreiðslufundi skipulagsfulltrúa 19. september 2024 var lagt fram bréf Skipulagsstofnunar, dags. 10. september 2024, þar sem bent er á að stofnunin geti ekki tekið afstöðu til deiliskipulagsbreytingarinnar vegna eftirfarandi: Gera þarf grein fyrir hvernig fyrirhuguð uppbygging atvinnuhúsnæðis samræmist ákvæðum aðalskipulags fyrir landbúnaðarsvæði, gera þarf grein fyrir þeirri atvinnustarfsemi sem fyrirhuguð er innan lóðar A, nýtingarhlutfall er sett fram án kjallara, en reikna skal nýtingarhlutfall með kjallara, og gera þarf grein fyrir umhverfisáhrifum við framfylgd skipulagsins. Erindinu var vísað til meðferðar hjá verkefnastjóra og er nú lagt fram að nýju ásamt svörum skipulagsfulltrúa til Skipulagsstofnunar, dags. 28. nóvember 2024 og uppfærðum uppdrætti, dags. 30. nóvember 2023, br. 13. nóvember 2024.
Lagt fram.