Á embættisafgreiðslufundi skipulagsfulltrúa 25. maí 2023 var lögð fram fyrirspurn Mörtu Guðrúnar Blöndal, dags. 11. maí 2023, um að setja garðvegg við lóðarmörk lóðarinnar nr. 1 við Kvisthaga, setja 20 fm garðskúr við suðurenda lóðar, loka núverandi svölum á 1. hæð hússins og koma þar fyrir svölum og tröppum niður í garð, setja svalir á kvist hússins ásamt því að stækka lóðina á norðausturhorni og koma fyrir bílastæði með aðgangi að hleðslustöð við hús, samkvæmt uppdr. dags. 10. maí 2023. Fyrirspurninni var vísað til umsagnar verkefnastjóra og er nú lögð fram að nýju ásamt umsögn skipulagsfulltrúa dags. 13. júlí 2023.
Umsögn skipulagsfulltrúa, dags. 13. júlí 2023, samþykkt.