Að lokinni grenndarkynningu er lögð fram að nýju erindi frá afgreiðslufundi byggingarfulltrúa frá 28. nóvember 2023 þar sem sótt er um leyfi til þess að hækka um eina hæð, gera kvist og svalir á einbýlishús nr. 35B, mhl. 01 á lóðinni Vesturgata 35A og 35B, samkvæmt uppdráttum Luigi Bartolozzi, dags. 17. apríl 2023, síðast breyttir annars vegar 2. maí 2023 og hins vegar 25. júlí 2023. Erindið var grenndarkynnt frá 26. febrúar 2024 til og með 25. mars 2024. Eftirtaldir sendu athugasemdir: Auður Þórhallsdóttir, dags. 24. mars 2024, Daníel Sigurðsson, dags. 25. mars 2024, Sigrún Hildur Jónsdóttir, dags. 25. mars 2024 og Ásdís Óladóttir, dags. 25. mars 2024. Erindinu var vísað til umsagnar verkefnastjóra á afgreiðslufundi skipulagsfulltrúa 4. apríl 2024 og er nú lagt fram að nýju ásamt uppdrætti Luigi Bartolozzi, dags. 9. maí 2024 og umsögn Minjastofnunar Íslands, dags. 3. júlí 2024. Einnig er lögð fram umsögn skipulagsfulltrúa, dags. 11. júlí 2024.
Samþykkt með vísan til umsagnar skipulagsfulltrúa dags. 11. júlí 2024 sbr. heimildir um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a. liður 2. gr. í viðauka 2.3 um embættisafgreiðslur skipulagsfulltrúa. Brugðist hefur verið við öllum innkomnum athugasemdum. Misræmi var á gögnum sem hefur verið leiðrétt og breytingar hafa verið gerðar á grenndarkynntri tillögu.
Vísað til fullnaðarafgreiðslu byggingarfulltrúa.