Að lokinni grenndarkynningu er lögð fram að nýju umsókn Brimgarða ehf., dags. 12. janúar 2023, um breytingu á deiliskipulagi Sundahafnar vegna lóðarinnar nr. 10 við Sundagarða. Í breytingunni sem lögð er til felst stækkun á byggingarreit til norðurs ásamt bílastæðum norðarlega á lóðinni, breyting á gólfkóta 1. hæðar og hækkun á heildarbyggingarmagni og nýtingarhlutfalli lóðar, samkvæmt uppdr. Nordic, dags. 27. mars 2023. Erindið var grenndarkynnt frá 16. júní til og með 14. júlí 2023. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a. liður 2. gr. í viðauka 2.3 um embættisafgreiðslur skipulagsfulltrúa nr. 1224/2022.