Á embættisafgreiðslufundi skipulagsfulltrúa 23. mars 2023 var lagt fram erindi frá afgreiðslufundi byggingarfulltrúa frá 31. janúar 2023 þar sem sótt er um leyfi til að rífa bílskúr og byggja tveggja hæða hús í gömlum stíl ofan á kjallara sem fyrir er, ásamt tengibyggingu yfir í mhl. 01 með sameiginlegu anddyri fyrir bæði húsin og innrétta fjögur, tveggja manna herbergi í gististað í flokki II, teg. C í nýja húsinu, þannig að samtals verða sjö herbergi fyrir 14 gesti á lóð nr. 13 við Smiðjustíg. Einnig var lögð umsögn skipulagsfulltrúa, dags. 23. mars 2023. Erindi er nú lagt fram að nýju ásamt breyttri tillögu að útisvæðum 23. maí 2023. Einnig er lögð fram umsögn skipulagsfulltrúa, dags. 8. júní 2023.
Umsögn skipulagsfulltrúa, dags. 8. júní 2023, samþykkt.