Á fundi skipulagsfulltrúa 27. júní 2014 var lagt fram erindi frá afgreiðslufundi byggingarfulltrúa frá 24. júní 2014 þar sem spurt er hvort koma megi fyrir tveimur bílastæðum götu megin á lóð, eins og samþykkt var á fundi í húsfélaginu 1972 og hefur verið framfylgt síðan, við fjölbýlishúsið á lóð nr. 30 við Þingholtsstræti. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 3. júlí 2014.