Á fundi skipulagsfulltrúa 8. ágúst 2014 var lagður fram tölvupóstur skrifstofu borgarstjórnar dags. 25. júlí 2014 þar sem óskað er eftir umsögn skipulagsfulltrúa um beiðni VSH-Eigna ehf. um rekstrarleyfi í flokki III fyrir veitingastaðinn Dillon, Laugavegi 30. Sótt er um veitingatíma áfengis til kl. 01:00 virka daga og til kl. 03:00 aðfaranótt laugardags, sunnudags eða almenns frídags. Einnig er sótt um leyfi til útiveitinga til kl. 22:00. Óskað er umsagnar umhverfis-og skipulagssviðs. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. ágúst 2014.