Á embættisafgreiðslufundi skipulagsfulltrúa 9. mars 2018 var lögð fram umsókn THG Arkitekta ehf. dags. 13. febrúar 2018 varðandi breytingu á deiliskipulagi Naustareits vegna lóðarinnar nr. 6-10A við Vesturgötu. Í breytingunni felst að gerður er byggingarreitur fyrir 24 fm svalir á austurhlið hússins á lóð nr. 6 og setja aftur upp baksvalir á hús nr. 10 sem teknar voru niður árið 2006. Jafnframt er óskað eftir því að setja inn tvö bílastæði á austurhlið lóðarinnar og einnig við Vesturgötu 10, samkvæmt uppdr. THG Arkitekta ehf. dags. 8. mars 2018. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 16. mars 2018.