Lögð fram umsókn Arkís arkitekta ehf. f.h. Ístaks ehf., dags. 19. maí 2016, varðandi breytingu á deiliskipulagi Sigtúnsreits vegna lóðarinnar nr. 7 við Engjateig. Í breytingunni felst að mörk þess svæðis sem deiliskipulagsbreytingin tekur til stækkar til suðurs, afmörkuð er ný bílastæðalóð sunnan Engjateigs á móts við lóð nr. 7 og koma fyrir 11 bílastæðum á bílastæðalóð við götu þar af eru tvö stæði fyrir hreyfihamlaða, samkvæmt uppdrætti Arkís arkitekta ehf. , dags. 12. maí 2016.