Á fundi skipulagsstjóra 4. febrúar 2011 var lagt fram bréf Þjónustumiðstöðvar Miðborgar og Hlíða dags. 28. janúar 2011 vegna bókunar hverfisráðs Hlíða frá 17. janúar 2011 þar sem því er beint til borgaryfirvalda að taka sem fyrst ákvörðun um framtíðarráðstafanir vegna lóðarinnar nr. 15 við Þverholt til þess að tryggja öryggi og bæta ásýnd umhverfisins. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 24. febrúar 2011.