Á embættisafgreiðslufundi skipulagsfulltrúa 9. maí 2022 var lögð fram tillaga umhverfis- og skipulagssviðs að breytingu á deiliskipulagi Hörgshlíðar vegna lóðarinnar nr. 2 við Hamrahlíð, Hlíðarskóla. Í breytingunni felst að skilgreindur er byggingarreitur fyrir færanlegar kennslustofur sem ráðgert er að staðsetja á norðurmörkum lóðar meðfram Hamrahlíð norðan við núverandi battavöll, samkvæmt uppdr. Hornsteina arkitekta dags. 2.maí 2022, br 18. maí 2022. Erindinu var vísað til meðferðar hjá verkefnisstjóra og er nú lögð fram að nýju.