Á embættisafgreiðslufundi skipulagsfulltrúa 23. febrúar 2018 var lögð fram fyrirspurn PKdM Arkitekta ehf. dags. 8. febrúar 2018 ásamt greinargerð PKdM Arkitekta ehf. ódags. um breytingu á deiliskipulagi fyrir lóðina nr. 73 við Laugaveg sem felst í að fjölga íbúðum í nýbyggingu um fjórar, samkvæmt tillögu PKdM Arkitekta ehf. dags. 5. febrúar 2018. Auk þess er lögð fram fyrirspurn fyrirtækjasölunnar Suðurvers dags. 8. febrúar 2018 um að starfrækja veitingastað í flokki II eða III á jarðhæð hússins. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 23. mars 2018.