Að lokinni grenndarkynningu er lögð fram að nýju umsókn Þorgeirs Jónssonar, dags. 3. júlí 2017, varðandi breytingu á deiliskipulagi Ártúnshöfða vegna lóðar nr. 12 við Bíldshöfða. Í breytingunni felst að breytt er byggingarreit fyrir matshluta 03. Heimilt er að byggja svalir beggja vegna byggingar. Tilgangur svala er að sjá fyrir björgunarsvæði úr vinnustofum á 3. og 4. hæð. Einnig er byggingarreitur stækkaður til austurs við gafl svo koma megi fyrir innan hans björgunarstiga með brú fyrir 3. og 4. hæð, samkvæmt uppdrætti, dags. 18. júlí 2017. Tillagan var grenndarkynnt frá 15. ágúst 2017 til og með 12. september 2017. Engar athugasemdir bárust.