Að lokinni grenndarkynningu er lögð fram að nýju umsókn Urban arkitekta ehf. f.h. Ölgerðarinnar Egils Skallagrímssonar ehf., mótt. 11. apríl 2016, varðandi breytingu á deiliskipulagi Hálahverfis vegna lóðarinnar nr. 7-11 við Grjótháls. Í breytingunni felst að utan við byggingarreit komi belti (ytri byggingarreitur) þar sem heimilað er að reisa lagertanka, tæknibúnað og vörumóttökurými/lyftibryggjur, samkvæmt uppdr. Urban arkitekta ehf. , dags. 11. apríl 2016. Tillagan var grenndarkynnt frá 27. apríl til og með 25. maí 2016. Engar athugasemdir bárust.