Á fundi skipulagsfulltrúa 4. september 2015 var lögð fram fyrirspurn Ask arkitekta ehf. mótt. 31. ágúst 2015 um að breyta núverandi starfssemi í húsinu á lóð nr. 18 við Suðurlandsbraut úr verslunar- og skrifstofuhúsnæði í hótel og leggja niður bílastæði á þaki bílageymslu og byggja ofan á hana þrjár hæðir, samkvæmt tillögu Ask arkitekta ehf. , dags. 26. ágúst 2015. Einnig er lagt fram bréf Ask arkitekta ehf. dags. 28. ágúst 2015. Fyrirspurninni var vísað til meðferðar hjá verkefnisstjóra og er nú lögð fram að nýju.