Að lokinni grenndarkynningu er lögð fram að nýju umsókn Studio Granda ehf. dags. 30. nóvember 2020 ásamt bréfi dags. 30. nóvember 2020 varðandi breytingu á deiliskipulagi reits 1.180.2 vegna lóðarinnar nr. 21 við Ingólfsstræti. Í breytingunni felst að endurbyggja skúrinn á baklóð og gera samtengda viðbyggingu við skúrinn í sömu stærð og sömu einkennum, samkvæmt deiliskipulags- og skuggavarpsuppdr. Studio Granda dags. 1. mars 2021. Einnig er lögð fram umsögn Minjastofnunar Íslands dags. 3. nóvember 2020 og 4. febrúar 2021. Tillagan var grenndarkynnt frá 29. mars 2021 til og með 30. apríl 2021. Engar athugasemdir bárust.