Á embættisafgreiðslufundi skipulagsfulltrúa 28. janúar 2022 var lögð fram fyrirspurn Zeppelin ehf. dags. 20. janúar 2022 ásamt bréfi dags. 20. janúar 2022 um endurskipulagningu lóðarinnar nr. 1 við Frakkastíg með það að markmiði að flytja þangað hús sem til skamms tíma stóð á baklóð Laugavegar 37 og endurbyggja þar gamla húsið við Laugaveg 74, ásamt því að undirbúa lóðina fyrir tvö önnur flutningshús, samkvæmt tillögu/þrívíddarmyndum ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 18. febrúar 2022.