Á embættisafgreiðslufundi skipulagsfulltrúa 15. nóvember 2021 var lögð fram fyrirspurn Trípólí ehf. dags. 8. nóvember 2021 um hækkun á þaki og mænir hússins á lóðunum nr. 12 og 14 við Haðarstíg svo koma megi fyrir herbergjum undir súð, breytingu á fyrirkomulagi 1. hæða hússins og lækkun á kjallaragólfi svo hægt sé að nýta hann sem geymslur og vinnuherbergi annars vegar og sjálfstæða íbúð hins vegar, samkvæmt drögum að aðaluppdráttum Trípólí ehf. dags. 3. nóvember 2021. Einnig er lögð fram sniðteikning dags. 20. janúar 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. janúar 2022.