Á embættisafgreiðslufundi skipulagsfulltrúa 1. apríl 2022 var lagt fram erindi frá afgreiðslufundi byggingarfulltrúa frá 29. mars 2022 þar sem sótt er um leyfi til að stækka núverandi bílskúr, koma fyrir nýjum gluggum á norðurhlið og að lóðarmörkum að Ystabæ nr. 7, stækka þvottahús með því að fylla upp í port á milli húss og bílskúrs, byggja sólstofu á suðurhlið húss og koma fyrir steyptu saunahúsi í suðaustur horni lóðar nr. 9 við Ystabæ. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 22. apríl 2022.