Á embættisafgreiðslufundi skipulagsfulltrúa 27. október 2022 var lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að breyta erindi BN058533, bílgeymslu og djúpgámum, þ.e. færa staðsetningu djúpgáma nær götu í stað þriggja bílastæða við norður lóðarmörk, fjölgað bílastæðum á þaki bílgeymslu í inngarði, afmarkað svæði á lóð til afnota fyrir verslunarrekstur í húsi nr. 10 við Gæfutjörn á lóð nr. 1 við Rökkvatjörn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 3. nóvember 2022.