Að lokinni grenndarkynningu er lögð fram að nýju umsókn Jóns Hrafns Hlöðverssonar dags. 30. janúar 2020 ásamt greinargerð dags. 21. janúar 2020 varðandi breytingu á deiliskipulagi Úlfarsárdals vegna lóðarinnar nr. 84-92 við Urðarbrunn. Í breytingunni felst að í stað fimm íbúða raðhús er heimilt að gera sex íbúða raðhús, endahús til vesturs (viðbót) er breytt í númer 92A, breidd byggingarreits hverrar íbúðar er mjókkaður úr 12 í 10 metra og breytast byggingarreitir samkvæmt því ásamt því að bílastæðum er fjölgað um tvö úr 10 í 12, samkvæmt uppdr. Mansard teiknistofu ehf. dags. 24. janúar 2020. Tillagan var grenndarkynnt frá 9. mars 2020 til og með 6. apríl 2020. Engar athugasemdir bárust.