Á embættisafgreiðslufundi skipulagsfulltrúa 27. janúar 2017 var lögð fram fyrirspurn Sjómannadagsráðs, mótt. 3. janúar 2017, varðandi breytingu á notkun 2. hæðar hússins á lóð nr. 10 við Tjarnargötu úr skrifstofu í tvær íbúðir. Einnig yrði söluturn í rými 0102 hluti af sameinaðri skrifstofu Happdrætti DAS á 1. hæð. Fyrirspurninni var frestað og er nú lögð fram að nýju.
Svar
Ekki eru gerðar skipulagslegar athugasemdir við erindið. Bent er á að greiða þurfi fyrir eitt bílastæði fyrir hverja íbúð sem samþykkt er. Sækja þarf um byggingarleyfi fyrir breytingu á notkun í húsnæðinu.